Сонгинохайрхан дүүргийн дэд бүтцийн хөгжлийн алба
Дүүргийн 29-р хорооны нутаг дэвсгэрт явган болон дугуйн замын төмөр хашлага, хаалтын эвдэрсэн хэсгийг нөхөж гагнах ажил хийгдэж байна.
Байгууллагын захирлын 2023 оны А/10 тоот тушаалаар батлагдсан “Өмч хамгаалах зөвлөл”-ийн хурал 2025.11.18-ны өдөр хуралдаж нийтийн эзэмшлийн ашиглалтын шаардлага хангахгүй, 10-с дээш жилийн насжилттай цаашид ашиглах боломжгүй хөрөнгийг акталж, устгах асуудлаар холбогдох бичиг баримтын бүрдлийг ханган Нийслэлийн өмчийн харилцааны газарт санал хүргүүлэхээр хуралдаж байна.
Дүүргийн 7 дугаар хороонд байршуулсан хогны савны хаалга эвдэрсэнийг гагнаж хэвийн байдалд оруулах, 24-р хорооны Бумбатын рашааны хашаа нурж хугарч унасан хэсгийг гагнаж, хэвийн байдалд оруулах ажлуудыг хийж гүйцэтгэж байна.
Дүүргийн 10 дугаар хороонд 2025.11.14-ны өдөр нүүрс түгээх цэг рүү ороход автомашин зорчих хэсэг халтиргаатай хүндрэлтэй болсон гудамжинд дайрга асгаж, түрж тэгшлэх ажил хийгдэж байна.
Дүүргийн 24, 36 дугаар хорооны нутагт дэвсгэрт 2 байршилд үерийн усанд идэгдэж явган хүн болон авто машин зорчиход хүндрэлтэй, эрсдэлтэй хэсэг үүссэн газарт тус албанаас 3 техник гаргаж дайрга асган түрж тэгшлэн явган хүн болон автомашин чөлөөтэй зорчих боломжтой болгон ажиллаж байна.
2025.11.05,06-ний өдрүүдэд 20-р хорооны Цэргийн хотхоны Дахин төлөвлөлтөнд хамрагдаж буй 9, 11-р байрны иргэдтэй гэрээ шинэчлэх асуудлаар Дэд бүтцийн хөгжлийн алба ОНӨААТҮГ-ын Захиргаа удирдлагын хэлтсийн дарга П.Пүрэвсүрэн, Тулгуур Түмэн Тулга ХХК-ний хуулийн зөвлөх Р.Ануурад нар иргэдтэй уулзалт хийж байгаа бөгөөд маргааш хувиарын дагуу 12-р байрны иргэдийн төлөөлөлтэй уулзана.
Дүүргийн 5 дугаар хорооны нутаг дэвсгэрт нийт 140м2 талбайд Явган замын тохижилтын ажил 80%-ийг гүйцэтгэлтэй явагдаж байна. Уг ажилд амрах саравч, сандал, гэрэлтүүлэг, камержуулалтын ажил хийгдэнэ.
Дүүргийн 19 дүгээр хорооны нутаг дэвсгэрт нийт 400м2 талбайд Явган замын хавтангаар тохижилтын ажлыг бүрэн хийж дуусгаад байна.
Дүүргийн 41 дүгээр хороонд иргэд зорчих явган шатыг төмөр болон модон хийцлэлээр хийж гүйцэтгэж байна.
Дүүргийн 10 дугаар хороонд 2 байршилд Хүүхдийн тоглоомын талбайн тохижилтын ажил 80%-тай хийгдэж байна.